Ашлык кырларында камылларны яндыру аяныч нәтиҗәләргә китерергә мөмкин
Мисал өчен, 2024 елның 26 октябрендә кич белән, авыл хуҗалыгы предприятиесе эшчеләренең ашлык кырындагы камылга ут төртүләре нәтиҗәсендә янгын бик якын булып НГДУ «Нурлатнефть» нефть һәм газ чыгару предприятиесенең Әшәлче нефть ятмасында урнашкан скважиналарына килеп җитә. Шалтырату буенча килгән янгын сүндерүчеләрнең тырышлыгы аркасында ялкын туктатыла, бәла булмый кала.
Урып – җыюдан соң басуларда камылларны яндыру-куркыныч эш, хәтта административ җәзага тартыла торган эш.
Янгын куркынычсызлыгы таләпләрен үтәмәү еш кына янгыннар чыгуга китерә, алар авыл хуҗалыгы культураларын да, кыйммәтле авыл хуҗалыгы техникасын, корылмаларын да юкка чыгарырга мөмкин.
Безнең районда кырларда яисә турыдан-туры якын урыннарда нефть сәнәгатенең шартлау куркынычы булган объектлары (ДНСлар, чыганаклар, ГЗУ, скважиналар) бар, шуңа күрә болар барысы да тагын да зур куркыныч тудыра һәм җаваплылыкны, янгын куркынычсызлыгы кагыйдәләрен үтәүгә таләпләрне катгыйландыра.
Җилнең кискен көчәюе һәм юнәлешенең үзгәрүе, контроль һәм сүндерү чараларының булмавы - болар барысы да утның шактый зур мәйданга тиз таралуына китерә торган факторлар, шуннан соң йортлар һәм хуҗалык корылмаларының янып бетүе, аерым очракларда кешеләр дә ут корбаннары булуы ихтимал.
Шунысын да билгеләп үтәргә кирәк, елның бу чорында янгын сүндерүчеләр агросәнәгать предприятиеләре җитәкчелеге һәм хезмәткәрләре белән актив профилактик эш алып баралар, янгын куркынычсызлыгы таләпләрен үтәү буенча белешмәлекләр тараталар, янгыннарның төп сәбәпләре турында мәгълүмат җиткерәләр, урып-җыю техникасын төзек хәлдә тоту һәм аны эксплуатацияләү кагыйдәләрен үтәү зарурлыгын искә төшерәләр.
Аерым игътибар-урып-җыю агрегатларында янгын сүндерүнең беренчел чаралары булу һәм алардан файдалана белү, шулай ук янгын чыккан очракта эш итү тәртибен белү. Янгын очраклы тәмәке төпчегеннән яки сүнеп бетмәгән шырпыдан чыкмасын өчен, кырларны автомобиль юллары, торак пунктлар һәм урман массивлары ягыннан сөрү кебек җир кишәрлекләрен урып-җыюга әзерләүдә профилактика да игътибарсыз калмый. Әмма коткару ведомствосының шактый зур агитация-аңлату кампаниясенә карамастан, аграрийлар, кызганычка каршы, хокук бозуларга юл куялар.
Авыл хуҗалыгы эшләрен башкару чорында янгын куркынычсызлыгын тәэмин итү максатларында исегезгә төшерәбез: Россия Федерациясе Хөкүмәтенең 2020 елның 16 сентябрендәге 1479 номерлы карары белән расланган Россия Федерациясендә Янгынга каршы режим кагыйдәләре нигезендә авыл хуҗалыгы билгеләнешендәге җирләрдә, пар җирләрендә һәм торак пунктлар җирләрендә ачык уттан файдалану һәм учаклар кабызу түбәндәге янгын куркынычсызлыгы таләпләрен үтәгән очракта башкарылырга мөмкин:
ачык утны куллану урыны 0,3 метрдан да ким булмаган тирәнлектәге һәм диаметры 1 метрдан да артмаган чокыр (уйсу урын, ерым) яки анда нык итеп металл сыешлык (мәсәлән, мичкә, бак, мангал) яки янмый торган башка материаллардан эшләнгән сыешлык урнаштырылган мәйданчык рәвешендә башкарылырга тиеш;
ачык уттан файдалану урыны якындагы объекттан (бина, корылма, корылма, ачык склад, эскерт) кимендә 50 метр, 1ылыслы урманнан яисә аерым үсүче ылслы агачлардан һәм яшь агачлардан 100 метр һәм яфраклы урманнан яисә аерым үсүче яфраклы агачлар төркемнәреннән 30 метр ераклыкта урнашырга тиеш;
ачык уттан файдалану урыны тирәсендәге территория 10 метр радиуста корыган агачлардан, коры үләннән, ауган агачлардан, кисү калдыкларыннан, башка янучан материаллардан чистартылырга һәм киңлеге 0,4 метрдан да ким булмаган янгынга каршы минераллаштырылган полоса белән аерылырга тиеш;
ачык уттан файдаланучы зат беренчел янгын сүндерү чаралары, шулай ук янгыннан саклау бүлекчәсен чакыру өчен мобиль элемтә чаралары белән тәэмин ителергә тиеш.
Бу чакта ачык уттан файдалану тыела:
торфлы туфракларда;
Тиешле территориядә янгынга каршы махсус режим билгеләнгәндә;
ылслы агач ябалдашлары астында;
бу тишекле савытлар, шул исәптән технологик яктан төзек булмаган;
җил тизлеге секундына 5 метрдан артып киткәндә.
Үз көчегез белән сүндерә алмаган янгынны күрсәгез, аның турында мөмкин кадәр тизрәк янгын сүндерүчеләргә хәбәр итегез: 101 – кәрәзле телефоннан, 01 – стационар телефоннан. Ашыгыч хезмәтләрне чакыруның бердәм телефоны-112.
Үләнгә ут төртүчеләр һәм урман янгыннарында гаеплеләр административ, ә җитди нәтиҗәләр килеп чыккан очракта җинаять җаваплылыгына тартыла. КоАПның 20.4 маддәсе нигезендә янгын куркынычсызлыгы таләпләрен бозу гражданнарга – өч мең сумга кадәр, вазыйфаи затларга – унбиш мең сумга кадәр, юридик затларга ике йөз мең сумга кадәр административ штраф салына. Янгынга каршы махсус режим кертелгән очракта штраф санкцияләре суммасы берничә тапкырга арта.
73 нче бүлек инженеры Нина Логинкина.