Яңа уку елында Нурлат гимназиясе 105 беренче сыйныф укучысын кабул итте
Нурлатта Белем көненә багышланган тантаналы линейкалар узды.
Нурлат гимназиясе укучыларын бу истәлекле көн белән котларга мәртәбәле кунаклар – район башлыгы Алмаз Әхмәтшин, ТР Экология һәм табигый ресурслар министры Александр Шадриков, шәһәр Советы Рәисе урынбасары Владимир Кашкаров, шәһәр Советы депутаты Гүзәл Әһлиуллина, Нурлат урманчылыгы җитәкчесе-урманчы Рөстәм Галиев һ. б. килгән иде.
Татарстан Президенты Рөстәм Миңнеханов һәм шәхсән үз исеменнән гимназистларны республиканың Экология һәм табигый байлыклар министры Александр Шадриков котлады.
Аннары кунаклар экологик дәрес карады. Ул биология кабинетында узды, ул быел «Мәгариф» милли проектының «Үсеш ноктасы»проекты кысаларында яңартылды. 6 нчы сыйныф укучылары биология укытучысы Резедә Вәлитова җитәкчелегендә экология буенча белемнәрен күрсәтте.
Министр район башлыгы белән бергә химия һәм физика кабинетларында булды, алар шулай ук «Үсеш ноктасы»проекты буенча яңартылды.