Бүген Нурлатта белем көне билгеләп үтелә

2021 елның 1 сентябре, чәршәмбе

Бүген Нурлат районының барлык мәктәпләрендә Белем көненә багышланган бәйрәм чаралары уза.

Быел пандемия шартларында тантаналы линейкалар 1, 9 һәм 11 сыйныф укучылары өчен генә узачак. Калган укучылар өчен сыйныф сәгатьләре уза. Барлык чаралар да санитар-эпидемиологик нормаларның тиешле таләпләрен исәпкә алып үткәрелә.

Быел район мәктәпләрендә барлыгы 6065 укучы белем алачак, шуларның 650се-районның мәктәп бусагасын беренче тапкыр атлап керәчәк.