Нурлатта скандинавия йөреше белән мавыгу көчәя бара

2021 елның 28 августы, шимбә

Шәһәр урамнарында таяк тоткан кешеләр ешрак очрый башлады. Шәһәр халкы шәһәр урамнары буйлап йөри, аралаша һәм саф һава сулый.

Болар энтузиастлар гына түгел, ә тулы бер берләшмә – «Көмеш сукмак» актив озын гомер клубыәгъзалары. Әлеге төркем «Татнефть» хәйрия фонды ярдәмендә Нурлатта нәтиҗәле эшләп кенә калмыйча, географиясен дә киңәйтә бара.

Бүген клуб 200 кешене берләштерә, болар-55 яшьтән өлкәнрәкләр. Алар атнага ике тапкыр, кайчагында аннан да ешрак, бер зур гаилә кебек, саф һава суларга чыгалар, тематик чаралар үткәрәләр,  чатларда тыгыз аралашалар һәм бер-берсен бәйрәмнәр белән котлыйлар.