ЯҢАЛЫКЛАР

Бүген шәһәрнең 2нче мәктәбендә цифрлы телетапшыруларны кабул итү өчен җиһазларны урнаштыру һәм көйләү буенча өйрәтү курслары башланып китте, аларда 46 волонтер белемнәрен арттырырга теләк белдерде.

Бүген, 12 мартта, тыл хезмәтчәне Ольга Яковлевна Михайлова үзенең 90 яшьлеге белән котлаулар кабул итте.

Быел да Андреевкада язны авыл кешеләре катнашындагы театр тамашасы белән башлап җибәрделәр.

Бөтенроссия сукырлар җәмгыятенең Нурлат җирле оешмасы командасы күрү буенча инвалидлар арасында үткән республика ярышларында катнашып кайтты.

Балаларда кече яшьтән ут белән куркынчысыз эш итү культурасы тәрбияләү максатыннан шәһәрнең 73нче янгын-коткару частенда мәктәп укучылары, балалар бакчаларына йөрүчеләр өчен экскурсияләр үткәрелә.

Егоркино мәктәбендә бәйрәм көннәрендә кызлар һәм егетләр командалары арасында караоке-кичә үткәрделәр.

Кичә, 10 мартта, Биляр Озеро авыл мәдәният йорты мәктәп һәм авыл китапханәсе белән берлектә "Широкая Масленица" бәйрәме үткәрде.

Бүген, 11 мартта, Нурлатта яшәүче тыл хезмәтчәне Мәрбия Гайфулла кызы Галимова 90 яшьлек юбилеен билгеләп үтә.

Нурлатның иң оста чаңгычыларыннан берсе, СССРның спорт мастеры Радик Ибраһимов бу көннәрдә Норвегиянең Бейтостолен тау-чаңгы курортында узучы Осталар дөнья кубогында катнаша. Кубок 6 марттан башланып китте.

- Көндәшлек бик көчле. 30 километрлы дистанциядә 7нче, 10 километрлы дистанциядә 5нче булып килдем. Хәзер 14ендә узачак 50 километрлы стартка ныклап әзерләнәм, – дип тренировкалар арасында яңалыкларын уртаклашты якташыбыз.

Марафонда уңышлар чаңгычыбызга! Бу теләкләргә барлык нурлатлылар да кушыла.

Нурлат республиканың муниципаль берәмлекләре арасында үтүче “Макулатура тапшырып, агачны коткарып кал!” Бөтенроссия эко-марафонының ярыш эстафетасын кабул итеп алды.