Муниципаль районнар Нурлат муниципаль районы

ЯҢАЛЫКЛАР

июль, 2014 ел

пәнҗешәмбе

Бу көннәрдә “Южная” агрофирмасы Киекле авыл җирлеге белән бергә өч авылда юл кырыйларын чүпләрдән арындыра. Моннан тыш, җирлектә амброзиягә каршы көрәш эше дә башланган. Җирлек Советында хәбәр итүләренчә, әлеге карантинлы чүп үләнен гербицид белән юк итәләр икән.

Тыл батырлары исемнәре барлана

Кама аръягы һәм Нурлат тарихы төбәк музее Бөек җиңүнең 70 еллыгына республикада чыгарылачак тыл батырлары турында китапка материаллар туплый. Нурлат районыннан әлеге китапка 13 меңләп кеше турында мәгълүматны 1 сентябрьгә кадәр биреп бетерергә кирәк.

ФАПлар төзелә

Якын көннәрдә Вишевая Поляна һәм Әхмәт авылларында заманча модульле-акушерлык пунктлары төзү эшенә керешәчәкләр.

ГТО нормалары кайтачак

Татарстан ГТО нормаларын сынап караучы төбәкләр исемлегенә кертелгән.

Бикүле авылында зиратларны чистарталар

Бу көннәрдә Бикүле авылы зиратларында янә эш кайный, бу юлы авыл халкы зират территорияләрендәге биек үләннәрне чабу белән мәшгуль, эшләрне Гает бәйрәменә кадәр төгәлләргә исәплиләр. Зиратларның төзеклеге һәм андагы тәртип мәчет картлары һәм авыл җирлеге башкарма комитетының даими контролендә, бу эшләрдә дә алар башлап йөргән. Авылда өч зират исәпләнә, аның икесе авыл территориясендә булса, берсе читтәрәк урнашкан. Җирлектә алга таба зиратларның коймаларын тимердән тотарга дип тә планлаштыралар.

Имтиханнар нәтиҗәләре зур сөйләшү тудырды

“Татарстан–Яңа гасыр–Татарстан–Новый век” республика иҗтимагый хәрәкәтенең Нурлат бүлеге киңәйтелгән утырышында көн тәртибенә куелган әлеге мәсьәлә катнашучыларны битараф калдырмады.

Шоферлар әзерлиләр

Узган атнадан мәшгульлек үзәгендә исәптә торучы 14 кеше аграр техникум базасында “С” категорияле машина йөртүче һөнәренә укый башлады.

Нурлат футболчылары республика беренчелегендә катнаша

Күп елларга сузылган “йокыдан” соң, ниһаять, Нурлат футболчылары республика мәйданында үз көчләрен сынамакчы. Безнең команда ТР беренчелегенең II лигасында “АТП-Факел” исеме астында чыгыш ясый.

июль, 2014 ел

чәршәмбе

Идрис Кәримов Нурлат солдатларының хезмәте, шартлары белән танышып кайтты

Узган атнада ТРда кеше хокукларын яклау буенча уполномоченныйның Нурлат районындагы ярдәмчесе-омбудсмен Идрис Кәримов Екатеринбург шәһәрендә урнашкан Елань уку үзәгендә булып кайтты.

“Түгәрәк уен” һәм “Арт-Мәдхия” Болгарда узачак

Быел «Түгәрәк уен» татар фольклор фестивале 27-30 июль көннәрендә Болгарда оештырыла. Аның кысаларында Ураза гаете көнне – 28 июльдә Ак мәчет каршында «Art-Мәдхия» мөнәҗәтләр, бәетләр һәм нәшитләр фестивале үтәчәк.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ