Муниципаль районнар Нурлат муниципаль районы

ЯҢАЛЫКЛАР

сентябрь, 2014 ел

чәршәмбе

Нурлатта соңгы юлга махсус транспорт белән озаталар

Моннан берничә ел элек халык көче белән салынган Тимер юлчылар бистәсе зираты йортының кайбер чыгымнарын район башлыгы Равил Кузюров кире кайтарган. Шул акчаларга мәчетнең элеккеге имамы Зөфәр Гыймаев “УАЗ” машинасы сатып алган, һәм әлеге транспорт

белән мөселманнарны соңгы юлга озату хезмәтен күрсәтә башлаганнар. Мәет күмүдә транспорт ихтыяҗы булган ятимнәр, аз керемлеләр һәм толлар бушлай хезмәтләрдән 2-50-74 телефоны аша файдалана алалар.

Соцпакет белән тынычрак булачак

Киләсе елга социаль хезмәтләр җыелмасын сайларгамы, әллә аның акчалата эквивалентынмы – ташламага ия гражданнарга 1 октябрьгә кадәр шундый карар кабул итәргә кирәк.

ТАТЛЫ ТАМЫР КАЗЫЙЛАР

Район хуҗалыкларында шикәр чөгендере казу дәвам итә. Кичәге көнгә барлык мәйданнарның 31 процентында татлы тамыр җыеп алынган. Уртача уңыш 305 центнер тәшкил итә. Казылган чөгендерне заводка ташу да оешкан төстә бара.

сентябрь, 2014 ел

сишәмбе

Район башлыгы салым инспекторлары каршына салымнарны үзвакытында һәм тулы күләмдә җыю бурычын куйды

Бүген, 23 сентябрьдә, район башлыгы Равил Кузюров салым службасының Нурлат районара инспекциясендә булып, коллектив белән танышты. Биредә бүгенге көндә 5 кенә кеше эшләүгә карамастан, район башлыгы бурычны конкрет куйды: 5 ноябрьгә кадәр салым инспекторлары салым түләүчеләрдән җир, транспорт һәм милек салымнарын тулысынча җыеп бетерергә тиешләр.

Нурлатта ачылачак казылык цехында 50дән артык төрдә казылык һәм ит ризыклары җитештереләчәк

Бүген, 23 сентябрьдә, район башлыгы Равил Кузюров элеккеге ит комбинаты базасында реконструкцияләнүче казылык цехында булып, эшләрнең барышы белән танышты. Хәзер биредә бинаны тышлау бара, эчке эшләр дә дәвам итә. Җиһазларның бер өлеше инде кайтарылган. Казылык цехын ел азагында ачарга җыеналар. Район башлыгы үз ягыннан килеп туган проблемаларны хәл итүдә һәрьяклы ярдәм күрсәтергә ышандырды.

Укучылар Илдус Диндаров иҗаты белән таныштылар

Бүген, 23 сентябрьдә, балалар китапханәсендә "Татар язучылары - балаларга" проекты кысаларында безнең якташыбыз, шагыйрь һәм журналист Илдус Диндаров иҗатына багышланган мультимедиялы презентация үтте. 1нче мәктәпнең 3нче сыйныф укучылары шагыйрьнең "Җәй кайда кышлый?" дигән җыентыгы белән таныштылар. Иң актив укучыларга бүләкләр тапшырылды.

Нурлат урманчылыгы автопаркы яңа “Нива” автомобиле белән тулыланды

Урманчылар көне алдыннан республика урманчылары җитәкчеләренә машина ачкычларын Татарстан Республикасы Президенты Рөстәм Миннеханов тапшырды. Алар арасында Нурлат урманчылыгы җитәкчесе дә бар иде.

Район башлыгы мәктәпкәчә учреждениеләрне карап чыкты

Бу көннәрдә җылылык сезонына кагылышлы мәсьәләләр район җитәкчелегенең дә күз угында. Дүшәмбе көнне узган шәһәр планеркасында да ягу сезоны турында сүз барды.

Кырыс шартларда яшәү

Шәһәрнең 9нчы һәм 3нче урта мәктәпләре укучыларыннан торган район командасы “Школа выживания” республика туристик слетының финалында катнашып кайтты.

Нурлатлылар хаҗга кузгала

Иртәгә районның 10 мөселманы хаҗ сәфәренә кузгала. Район мөхтәсибе Айрат хәзрәт Әюпов җитәкләгән Нурлат делегациясе Казан – Джидда маршруты буенча самолет белән оча. Нурлат хаҗилары 4 октябрьдә билгеләп үтеләчәк Корбан бәйрәмен Мәккә шәһәрендә каршы алганнан соң, кайтыр юлга чыгарга планлаштыралар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ