ЯҢАЛЫКЛАР

  Тимер юл станцияләре  эшен оештыру буенча Түбән Кама үзәге оешуның 5 еллыгына багышланган чардан нурлатылар да бүләкләр белән кайттылар. Нурлат станциясе буенча кизү Татьяна Спиридонова үзәк җитәкчелегенең Мактау грамотасы, ә поездлар төзүче Виталий Абрамов истәлек бүләгенә лаек булды.

Шәһәрнең 3нче мәктәбенең алмагач бакчасы бу көннәрдә чып-чын “кошлар ашханәсе”нә әверелә. Түбә куеп, уңайлы итеп ясалган җимлекләр янында чыпчык, песнәк кебек вак кошлар чыр-чу килә. Саесканнар да мәктәп ишегалдын үз иткән, быел хәтта кечкенә генә тукран да килеп ияләшкән әле, җепкә элеп куелган терлек маен аеруча яраткан, мавыгып фотообъектив белән янына ук  килеп җитүебезне дә сизми калды хәтта. 

Ул Нурлат районында тәрбиягә бала алып үстеру буенча эш тәҗрибәсен өйрәнә. ТР Премьер –министры урынбасары, балигъ булмаганнар эшләре һәм аларның хокукларын яклау буенча Республика комиссиясе рәисе Васыйл Шәйхразиев җитәкчелегендәге делегация Мамык авылында булып, тәрбиягә бала алып үстерүче Мамык авылыннан башлады. Комиссия район башлыгы Равил Кузюров озатуында тәрбиягә бала алып үстерүче ике гаилә -  Ванчуриннар һәм Галичиннар гаиләсе белән якыннан танышты. “Ел хәйриячесе -2012” Республика конкурсы җиңүчеләре, фермерлык хуҗалыгы алып баручы әлеге гаиләдә бүген үзләренең 2 балаларыннан тыш, тагын 10 сабыйга гаилә җылысы биргәннәр. Күптән түгел бирелгән иркен йортта балалар һәм аларның шөгыльләре өчен бөтен мөмкинлек тудырылган. Район, республика “Ел хәйриячесе – 2013” Республика конкурсы җиңүчеләре, тәрбиягә 16 бала алып үстерүче иҗади гаилә Галичиннарда да кунакта булу да кунакларда уңай тәэсир калдырды.