ЯҢАЛЫКЛАР

15
май, 2015 ел
җомга
Нурлат шәфкать туташлары сценага чыктылар
Бүген Халыкара шәфкать туташы көне кысаларында Нурлат район хастәханәсенең шәфкать туташлары традицион һөнәри осталык конкурсына җыелдылар.
Нурлатта праймеризлар дәвам итә
Бүген “Бердәм Россия” партиясенең Нурлат җирле бүлекчәсе партия эчендә алдан тавыш бирүләрне Кычытканлы, Сәләнгеш, Мамык һәм Төрнәс  авыл җирлекләрендә үткәрә. Кичә кандидатлар Фома, Биккол, Әхмәт һәм Якушкино авыл җирлекләрендә сайлаучылар белән очраштылар. Биккол авыл җирлегендә узган праймеризда 11 кандидатның 4се халыкка үзләренең план-программаларын җиткерде. Биккол авыл җирлеге башлыгы Рамилә Әхмәтшина әйтүенчә, биредә сайлаучылар исемлегенә төрле яшьтәге кешеләрне кертергә тырышканнар, чыгыышлардан соң алар үзләренең сорауларын да бирергә ашыкканнар. Авылның ветераннар Советы җитәкчесе, 85 яшьлек  Вәзир Әхмәтвәлиев исә сораулары белән бергә теләк-тәкъдимнәрен дә җиткергән. Гомумән, һәр авыл җирлегендә прйамеризлар халыкның зур активлыгы белән уза. 
Бүген Нурлатта Халыкара гаилә көнен билгеләп үттеләр
Бүген Гаилә көне кысаларында үткән тантаналы чарада Нурлатның 5 яшь гаиләсенә ана капиталы сертификатлары тапшырылды. Бәйрәмне башкарма комитетының ЗАГС бүлеге әзерләде.
Нурлаттагы “INFITNO” клубы республика пәһлеваннарын җыя
17 майда “Шифа” сәүдә үзәгендәге “INFITNO” спорт клубында хатын-кызлар һәм ир-атлар арасында яткан көне штанга күтәрү буенча ТРның Көньяк-Көнчыгыш төбәге Кубогы узачак. Анда әлеге төбәкнең иң көчле спортчылары, Дөнья, Ауропачемпионнары, күптапкырлар Россия чемпионнарының, халыкара класслы спорт осталарының катнашуы көтелә.

Ярышлар көндезге 10да башлана.
Берәүләргә – Сабантуй, икенчеләренә – никах

 6 июнь көнне нурлатлылар Сабантуйда бәйрәм итсә, аерым гаиләләр өчен ул икеләтә истәлекле булачак.

– Бу көнне 7 пар никахларын теркәргә гариза бирде, – ди ЗАГС бүлеге мөдире Гөлшат Евлахина. Димәк, Сабантуй мәйданына туй кортежы килеп керү ихтималы да бар әле! 
Телевидениедән – фильм, газетадан – китап

 Бөек Җиңүнең 70 еллыгына Нурлат массакүләм мәгълүмат чаралары да үзенчәлекле бүләк ясадылар. “Нурлат” телевидениесе “ Тыл шәһәре тарихы” дигән видеофильм тәкъдим итсә, редакция районның  “Ветеран» китабын басмага әзерләде. 1800 данәдә бастырылган китап бәйрәм көннәрендә сугышта катнашучыларга һәм тыл ветераннарына таратылды.

 
14
май, 2015 ел
пәнҗешәмбе
Район мәктәпләрендә яңа уку елына әзерләнә башладылар
Районда 2015/2016 уку елына әзерлек эшләре – “Үз мәктәбеңә булыш” Республика акциясе старт алды. Узган уку елында әлеге чара  кысаларында районның белем бирү учреждениеләренә 1 миллион сумлык ярдәм күрсәтелгән булган.
Нурлатта Коръән уку бәйгесе уза
Бу якшәмбедә Шикәрчеләр бистәсе мәчетендә 15 яшькә кадәрге балалар арасында традицион  Корьән уку бәйгесе уза. Чара сәгать 9да башлана.
Нурлат укучылары татар теленнән тестлаштыру уздылар
Узган атнада районның 578 IX сыйныф укучысы татар теленнән Бердәм республика тестлаштыруы уздылар. Ә 25 майдан исә XI сыйныфлар өчен география һәм рус әдәбиятыннан Бердәм Дәүләт имтиханнары башлана.
Авыл кешеләре өчен флюорография
Бүгеннән күчмә флюорографик җайланма эшли башлады, ул 8000 авыл кешесен колачлаячак. Флюорографик җайланма шулай ук шәһәрнең эре предприятиеләрендә дә эшләр, дип планлаштырыла. 
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнарның мөрәҗәгатьләре
Телефон: 8 (84345) 20601, 20602,20027
Факс: (84345)20603
E-Mail: nurlat@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International