Нурлатның 115 еллыгы уңаеннан шәһәр мәктәпләре үзенчәлекле итеп шәһәребез тарихын күрсәтте
Шәһәр көнендә Нурлатның шәһәр мәктәпләре төрле чорларда шәһәр тарихына багышланган «Без яшәгән шәһәр макеты» күргәзмә пространствосын оештырды.
3нче мәктәп коллективы Нурлат шикәр заводы макетын тәкъдим итте. Нурлатта Татарстанда беренче шикәр җитештерү эшчәнлеге оештырыла. Аны төзү 1956 елда башланган, заводны 1958 елның 10 ноябрендә файдалануга тапшырганнар. Аның проект куәте тәүлеккә 1200 тонна шикәр чөгендере эшкәртүгә корыла. Төзелеш белән "Сахарстрой" тресты шөгыльләнгән, заводның төзелеш участогы җитәкчелеген (прораб, баш инженер, кадровикны) Украинадан алып килгәннәр.
Участокта ФЗУ мәктәбе оештырылган, анда яшь белгечләрне укытканнар. Завод төзелеше белән бер үк вакытта инфраструктура да үсеш алган: тулай торак, ашханә, кибет һәм мунча. Нурлат шикәр заводының беренче директоры Владимир Георгиевич Медведский була. Бу вазифада ул 18 ел эшли. Шикәрчеләр микрорайонындагы урамнарның берсенә аның исеме бирелгән.
Шәһәрнең 9нчы мәктәбенең эше Нурлат районында авыл хуҗалыгын үстерүгә багышланган иде.
Мәктәп укучылары Нурлат районының Татарстан Республикасында ашлык җитештерү, терлекчелекне үстерү буенча лидер булуы турында сөйләде.
Совет чорында иң зур колхоз булып Хафизов исемендәге колхоз саналган. Мәктәп үз күргәзмәсен нәкъ менә шушы хуҗалыкка багышлады. 8а сыйныфы укучысы Рәхмәтуллина Әмилә 11 ел бу колхоз рәисе булып эшләгән бабасы Рәхмәтуллин Әнәс Нәбиулла улы турында сөйләде. Ул лаеклы хезмәте, һөнәри эшчәнлегендәге югары казанышлары өчен Татарстан Республикасы Президенты Указы нигезендә авыл хуҗалыгы министрлыгының Мактау грамотасы белән бүләкләнгән.