Аграрийларга, шикәрлелекне арттыру өчен, татлы тамырларны яфрактан тукландырырга киңәш итәләр
Республика кырларында шикәр чөгендере татлы тамыр үсү фазасында.
Бу хакта «Россельхозцентр»ның Татарстан филиалында сөйләделәр, аның белгечләре агымдагы елның 8 августына авыл хуҗалыгы культуралары чәчүлекләренең торышын бәяләделәр.
Учреждениедә татлы тамырның шикәрлелеген арттыруның «серләре» белән уртаклаштылар. Монда аграрийларга шикәр чөгендерен җыю башланырга ике-өч атна кала аны фосфор-калий ашламалары белән яфрак аша тукландырырга киңәш итәләр. Белгечләр аңлатуынча, бу үсемлекләрнең җир өстендәге вегетатив өлешеннән хуҗалык кыйммәтле өлешенә-тамыр җимешенә пластик матдәләр агымын көчәйтәчәк һәм аның шикәрлелеген арттырачак, димәк, аны җитештергәндә шикәр чыгачак.
"Мондый агроалым, ягъни сеникация, үстерелә торган продукциянең күләм һәм сыйфат характеристикаларын яхшыртачак. Сеникация үткәргәндә вегетатив өлештән генератив өлешкә күчерелгән фотосинтез продуктлары күләме татлы тамырның табигый өлгерүенә караганда 20-25% ка югарырак», – дип билгеләп үтте «Россельхозцентр» ФДБУнең Татарстан Республикасы филиалы җитәкчесе урынбасары Гүзәл Хөсәенова.
Шулай ук шикәр чөгендерен урып-җыюга бер ай кала фосфор-калий ашламалары белән яфрактан тукландыру татлы тамырда шикәр һәм коры матдә күләмен арттырырга ярдәм итә. Ә коры матдә микъдарын арттыру исәбенә күзәнәкләрнең су белән сугарылуын киметү тамыр җимешенең урып-җыю һәм саклау вакытында патогеннар белән зарарлану куркынычын киметә.
Учреждениедә билгеләп үтүләренчә, шикәр чөгендерен тукландырганда фосфор-калий ашламалары белән беррәттән марганец, бор һәм магний микроэлементларын кулланырга кирәк, бу шулай ук үсемлекләрнең генератив органнарына пластик матдәләр транспортын активлаштырырга ярдәм итә, аларда файдалы матдәләр күләмен арттыра.
«Россельхозцентр» ФДБУнең Татарстан Республикасы буенча филиалы.
Фото - "Нурлат-информ" архивыннан