Нурлат районы Советы депутаты Татарстанның балигъ булмаганнарның җәмәгать тәрбиячеләре конкурсында 2 урынны яулады
Бүген, 27 ноябрьдә, Казан шәһәренең Милли китапханәсендә «Татарстан Республикасының Балигъ булмаганнарның иң яхшы җәмәгать тәрбиячесе» республика конкурсында җиңүчеләрне бүләкләү тантанасы узды.
Җиңүчеләр арасында нурлатлылар да бар – Нурлат муниципаль районы Советында "Бердәм Россия" партиясе депутаты Рөстәм Сәлахов 2нче урынга лаек булды.
Сәхнәдә балигъ булмаганнар эшләре һәм аларның хокукларын яклау буенча республика комиссиясе рәисе урынбасары Алсу Әсәдуллина барысын да котлады һәм чарада катнашучыларга битараф булмаганнары һәм балаларга тормышта дөрес юнәлеш сайларга ярдәм иткәннәре өчен рәхмәт белдерде.
Нурлат делегациясен тантаналы чарада балигъ булмаганнар эшләре буенча комиссия рәисе урынбасары Елена Афанасьева, комиссиянең җаваплы секретаре Гүзәл Ганиева һәм конкурсның узган ел җиңүчесе Марина Лукьянова тәкъдим итте.