Нурлатта самбо буенча республика беренчелеге уза

2019 елның 16 марты, шимбә

Бу көннәрдә Марат Хуҗин исемендәге спорт комплексы базасында 2005-2007 елгы егетләр һәм кызлар арасында самбо буенча республика беренчелеге үтә. Анда Татарстан Республикасы районнары һәм шәһәрләреннән 25 команда катнаша.

Ярышларны тантаналы ачу чарасында яшь спортчыларны район башкарма комитеты җитәкчесенең социаль мәсьәләләр буенча урынбасары Эльмира Шагаева, ТРда самбо Федерациясе вице-президенты Альберт Вәлиуллов, ярышларның баш хөкемдары Александр Казаков сәламләделәр.

“Нурлатнефть“ НГДУсының Марат Хуҗин исемендәге спорт комплексы республика күләмендәге мондый ярышларны өченче ел рәттән кабул итә. Биредә республика дәрәҗәсендәге ярышларны үткәрү өчен барлык мөмкинлекләр тудырылган.