ЯҢАЛЫКЛАР
Бүген Марат Хуҗин исемендәге спорт комплексы базасында 2005-2007 елгы егетләр һәм кызлар арасында самбо буенча республика беренчелеге төгәлләнде. Җиңүчеләр төрле яшь категорияләрендә бүләкләнде.
Традиция буенча, турнирның ачылу тантанасында яшь көрәшчеләрне хөрмәтле кунаклар – район башкарма комитеты җитәкчесе Линар Маняпов, чараның төп иганәчесе Александр Огонев, генерал Николай Сидоров, Татарстан һәм Чувашиянең көрәш федерацияләре вәкилләре һәм башка бик күпләр сәламләде.
Шул көннәрдә Әлмәт шәһәрендә ТР буенча ОФПС-2нең янгын-коткару частьларе физик культура коллективлары арасында волейбол буенча ярышлар үтте. Анда Нурлатның 73нче Янгын-коткару часте командасы өченче урынны яулады.
Бүген Мамык мәктәбендә укучыларның II ачык фәнни-гамәли конференциясе үтә.
Иске Әмзә авылыннан Алмаз һәм Флера Шәйдулиннар Казанда VIII Бөтенроссия татар авыллары эшмәкәрләре җыенында катнаша.
Җыен делегатлары Мөслим районындагы халыкка хезмәт күрсәтүче учреждениеләрне караганнар, “Агромастер” җитештерү компаниясендә, “Фаиза” авыл хуҗалыгы җитештерү кооперативында, “Чайка” фермер хуҗалыгында булганнар. Бүген алар район башлыгы урынбасары Ильяс Әхмәтҗанов белән берлектә "Корстон"да Рөстәм Миңнеханов катнашында узган пленар утырышта катнаша.
Бүген Нурлат районының Төрнәс мәктәбе спорт залында сугышчы-интернационалист Александр Андронов истәлеге кубогына беренче волейбол турниры үтте.
Бу көннәрдә районның торак-коммуналь хуҗалык хезмәткәрләре һөнәри бәйрәмнәрен билгеләп үттеләр.
Районда әлеге тармакта бүген меңнән артык кеше хезмәт куя. Торак-коммуналь хуҗалык хезмәткәрләрен һөнәри бәйрәмнәре белән район башкарма комитеты җитәкчесе Линар Маняпов котлады. Линар Нурисламович үз чыгышында тармакның тормышыбызда төп урын биләвен, районда коммуналь инфраструктураны модернизацияләү, хезмәтләрнең сыйфатын күтәрүгә йөз тотылуына тукталды.
Әлеге тармакта озак еллар хезмәт куйган фидакарь хезмәткәрләр – “ТХК ИК“ МУПы тракторчылары Вазыйх Гаязов, Евгений Оренбуров, төягеч машинисты Рамил Кыямов, территорияне җыештыручылар Валентина Гутенева, Зоя Водянова һәм Наталья Куликова район башлыгының Мактау грамоталары һәм Рәхмәт хатлары белән бүләкләнде.
Бу көннәрдә Марат Хуҗин исемендәге спорт комплексы базасында 2005-2007 елгы егетләр һәм кызлар арасында самбо буенча республика беренчелеге үтә. Анда Татарстан Республикасы районнары һәм шәһәрләреннән 25 команда катнаша.
Ярышларны тантаналы ачу чарасында яшь спортчыларны район башкарма комитеты җитәкчесенең социаль мәсьәләләр буенча урынбасары Эльмира Шагаева, ТРда самбо Федерациясе вице-президенты Альберт Вәлиуллов, ярышларның баш хөкемдары Александр Казаков сәламләделәр.
“Нурлатнефть“ НГДУсының Марат Хуҗин исемендәге спорт комплексы республика күләмендәге мондый ярышларны өченче ел рәттән кабул итә. Биредә республика дәрәҗәсендәге ярышларны үткәрү өчен барлык мөмкинлекләр тудырылган.
Бу атнаның ял көннәре районда спорт билгесе астында узар дип көтелә. 15-17 мартта Нурлатның Марат Хуҗин исемендәге спорт комплексында 2005-2006 елгы кызлар һәм үсмерләр арасында самбо буенча Татарстан беренчелеге үтә, ярышларны тантаналы ачу шимбә 10.00 сәгатькә билгеләнгән. Шул ук көнне Елаурда чуваш милли көрәше буенча Александр Огонев призларына төбәкара ярышлар, Төрнәстә сугышчы-интернационалист Александр Андронов истәлегенә волейбол турниры узачак. Ә районның дәүләт һәм муниципаль хезмәткәрләре бу көнне Зәйдә чаңгы буенча спартакиадада үзләрен сынап караячак.
Бүген шәһәр Мәдәният сараенда журналист, язучы, шагыйрь Илдус Диндаровның күпьеллык иҗатына багышлангна юбилей кичәсе үтте.