Җыеннар тәмамланды

Ике атнага сузылган гражданнар җыеннары тәмам. Барлыгы 26 авыл җирлегендә һәм шәһәрнең 8 микрорайонында узды мондый очрашулар. 
- Авыл җирлекләре башлыкларының, шәһәр башкарма комитеты җитәкчесенең, тармак белгечләренең чыгышлары авылларыбызның һәм шәһәр микрорайоннарының тулы картинасын күзалларга ярдәм итә. Мондый очрашуларда халыкның фикерен, ихтыяҗларын өйрәнәбез. Бу безгә бик кирәк. Дөрес, җыеннарда күтәрелгән мәсьәләләрнең барысын да һәм берьюлы хәл итеп булмый. Әмма әкренләп булса да, без моңа ирешәчәкбез, - дип белдерде узган шимбә көнне Ключи, Югары һәм Түбән Нурлат микрорайоннарында узган җыеннар барышында муниципаль район башлыгы  Равил Кузюров.