Яшь боксчылар чираттагы ярыштан өч беренче урын яулап кайтты

22 майда Халыклар Дуслыгы йортында шөгыльләнүче яшь боксчылар Лениногорск шәһәрендә бокс буенча  үткән хәйрия матч очрашуында катнашып кайттылар. Татарстанның һәм Башкортостанның 8 шәһәреннән җыелган боксчылар катнашында узган ярышларда Алексей Иванов, Булат Шиһапов һәм Богдан Власенко 1нче урыннарга лаек булган.
Яшь боксчыларның исә тагы бер сөенечле яңалыклары бар: күптән түгел шәхси эшмәкәр Роман Чахмахчев спорт инвентаре бүләк иткән үзләренә. “Хәзер ярышларга әзерләнер өчен мөмкинлекләребез тагы да күбрәк”, – ди  яшь боксчыларның теренеры Олег Власенко.