Шикәрчеләр бистәме халкы район җитәкчелеге һәм тормышны тәэмин итүче служба вәкилләре белән очрашты

Көн кадагындагы шундый мәсьәләләр халыкның район җитәкчелеге һәм тормышны тәэмин итүче служба вәкилләре белән очрашуда күтәрелде. Узган еллар белән чагыштырганда, хәзер мәнфәгатьләр башкачарак үзгәргән һәм торак-коммуналь төсмердәге мәсьәләләр акрынлап икенче планга күчкән. Әмма бу зур эшләр башкару йогынтысы булуын әйтергә дә кирәк. Узган ел микрорайон тормышы өчен күп кенә уңай үзгәрешләр белән истә калды: юлларны һәм 25 йорт яны территориясен нормага китерделәр, күпфатирлы йортларны түбәләрен ремонтладылар, 3нче мәктәп янындагы  юлга ясалма тизлек чикләгечләр һәм светофор куелды, балалар бакчалары янында да тизлек чикләгечләр пәйда булды. Бу эшләрне халык сизми калмады, әлбәттә һәм гражданнар җыенында район җитәкчелеге адерсына рәхмәт сүзләре күп булды. Биредә яшәүчеләр Халыклар Дуслыгы йортына да зур өметләр баглыйлар. Алар микрорайонда спорт мәйданчыгы, балалар өчен уен зоналары төзеләчәге турындагы хәбәрне дә сөенеп кабулд иттеләр. 

Күпфатирлы 44 йортка хезмәт күрсәтүче “Экодом” идарәче компаниясенең эшенә дә уңай бәя бирелде. Хисап елы чорында шәһәрлеләрдән кергән 629 заявканың 608е башкарылган. Компания җитәкчесе Илфат Гәрәев коммуналь хезмәтләр өчен бурычлылар белән көрәшүдә дә нәтиҗәле ысуллар таба. Мисал өчен, квитанцияләрнең кире ягында аларның адреслары бимрелә, һәм бу кемнәргәдер йогынты да ясый икән.

Бу сөйләшүгә нәтиҗә ясап, район башлыгы Равил Кузюров халыкка активлыклары өчен рәхмәтен җиткерде. Иң көнүзәк мәсьәләләрне ул шәхси контроленә алды, ә кайбер аерым проблемалары булганнарга үзенә кабул итүгә чакырды.

– Без һәрвакыт ачык. Сезнең позициягез – иң мөһмме булып тора, – диде Равил Әфраимович.