Нурлатның Яңа ел афишасы: “Снежная королева” тамашасы, “Яңа ел экспрессы”, фейерверк...

“Снежная королева” Яңа ел театрлаштырылган тамашасын быел районның 2 мең баласы карый алачак. Район күләмендә яңа ел тамашалары инде 25 декабрьдән үк старт алачак. Бу көнне шәһәр Мәдәният сараенда авыл һәм шәһәр укучылары өчен Нурлат муниципаль районы башлыгының чыршы бәйрәме уза. Ә 26 декабрьдә биредә үк 10.00 һәм 13.00 сәгатьләрдә әлеге тамашаны шәһәр балалары карый алачак. Шәһәрнең төп чыршысын ачу тантанасы 2 7 д екабрьдә к өндезге с әгать 2гә билгеләнгән. Анда кунакларны Кыш Бабай һәм Кар Кызы, әкият геройлары парады сәламләячәк. Ш унда ук спортчылар парады, бәйрәм концерты, спорткүңел ачу чаралары көтелә. Яңа ел төнендә күңел ачу чаралары шәһәр паркында узачак. Анда 31 декабрьдән 1 гыйнварга каршы төндә “До и после полуночи” дип аталган концерт программасы була. Бәйрәм фейерверкы 2015 елның 1 гыйнварендә 1.00 сәгатькә планлаштырылган. Бәйрәм чаралары гыйнвар аенда шәһәр Мәдәният сараенда дәвам итәчәк. 3, 4 гыйнварда 19.00 сәгатьтә “Яңа ел экспрессы” дип аталган яшьләр кичәсе узачак. Бу көнне Нурлат яшьләре һәм районыбыз кунаклары дискотека, караоке, уеннар һәм викториналарда рәхәтләнеп күңел ача ала. Бәйрәм дискотекалары каникуллар чорында, 2–10 гыйнварда район мәдәният йортында да оештырылачак. Кама аръягы һәм Нурлат тарихы төбәк музее 4, 6 гыйнварда “Яңа ел сюрпризы” дип аталган тамашага чакыра. Анда экскурсияләр, викториналар мультфильмнар күрсәтү ниятләнә. Биредә үк 4, 6, 8 гыйнварда музей заллары буенча экскурсияләр оештырылачак, “Игрушки на бабушкиной елки” дип аталган күргәзмә эшләячәк. Ә менә кино яратучылар өчен шәһәр Мәдәният сараенда 5 гыйнварда 14.00дә “Елки 3”, 9 гыйнварда шул ук вакытта мәктәп укучылары өчен фильмнар күрсәтеләчәк. 7 гыйнварда шәһәрнең үзәк мәйданында 19.00-22.00дә Раштуа бәйрәме уңаеннан театрлаштырылган тамаша узачак. Ә менә яшьләре 30дан узганнар 8 гыйнварда 19.00га шәһәр Мәдәният сараенда “Яңа ел экспрессы” дип аталган тематик кичәдә катнаша ала. Шул ук көнне 10.00да Кама аръягы һәм Нурлат тарихы төбәк музеенда хатын-кызлар клубы утырышы планлаштырылган. 12 гыйнварда шәһәр Мәдәният сараеның зур залында Раштуа концерты узачак. Искечә Яңа ел, 13 гыйнварда исә
үзәк мәйданда 19.00-23.00да “Исәнме, Искечә Яңа ел!” дип аталган бәйрәм концерт программасы узачак. Гомумән, район башкарма комитетының Мәдәни үсеш үзәге нурлатлылар һәм шәһәребез кунаклары өчен бәйрәм каникулларын кызыклы һәм мавыктыргыч итеп үткәрү өчен барлык мөмкинлекләр дә тудырырга тиешләр.