Нурлат урамнарына меңләгән агач утыртылды

Бүген, 11 октябрьдә нурлатлылар өмәгә чыкты. Шәһәрне тәртипкә китерү буенча көзге чаралар кысаларында иң төп эш агачлар утырту булды. Агач утырту көнендә район башлыгы Равил Кузюров та катнашты. Бу юлы ул үз агачын Кариев урамында утыртты, анда аерата җанлылык хөкем сөрде. Бу урам буйлап беренче агачлар берничә ел элек утыртылган иде, һәм алар берничә ел инде яшеллекләре белән сөендереп торалар. Ә бүген биредә тагы 1000нән артык төп каен, чыршы, америка тирәге, спиреялар утыртылды. Район башлыгы шәһәр башкарма комитеты һәм төзекләндерү службалары җитәкчеләреннән агачларның ни дәрәҗәдә үсеп китүләре белән кызыксынды, яшь үсентеләргә тиешле тәрбия булырга тиеш, диде. Бу юлы үсентеләрне биеклекләрен исәпкә алып, 1.20-1.50 метрлыларны утырттылар. Агач утырту көнендә шулай ук Ленинград, Совет, Гыйматдинов һәм башка урамнарда да яшь үсентеләр утыртылды. Шәһәрнең оешма-предприятиеләре дә үсентеләр сатып алганнар. Аларны ункөнлек барышында, гомумреспублика өмәсенә кадәр утыртырга планлаштыралар.