Олы киңәшмә яңа этәргечләр бирә

Узган атнада ТР мәгариф һәм фән министрлыгы хезмәткәрләренең Республика август киңәшмәсендә район башлыгы Равиль Кузюров җитәкчелегендәге делегация катнашып кайтты. 

- Ил башы Рөстәм Миннеханов катнашында узган пленар утырыш бик файдалы булды, - диде район башкарма комитетының мәгариф идарәсе начальнигы Линар Маняпов. – Мәгариф системасы бер бөтен булып эшләргә тиеш. Сөйләшү барышында бу хакта да конкрет әйтелде.  Мәгариф сыйфаты буенча рейтинг ясау безне-мәгариф системасы белгечләрен алга таба тагын да нәтиҗәлерәк эшләргә чакыра. Олы сөйләшүдән соң районда мәгариф проблемаларын  район башлыгы Равил Әфраимович белән уртага салып сөйләштек. Аларны чишү юлларын эзләдек.