Мәктәпкә бару күпмегә төшә

Баланы мәктәпкә әзерләү шактый көч һәм чыгым сорый. Әле август ахыры ук булмаса да, кибетләрдә һәм базарда халык мәш килә.

- Кызым гимназиягә беренче сыйныфка укырга бара, - ди Гөлназ Зарипова. – Дөресен генә әйткәндә, исемлектәге барлык әйберләрне алып

бетерергә өлгермәдек әле. Үзебезнең уку йорты өчен махсус форманы гимназиядә үк саталар. Форманы берничә комплект алырга булдык. Бала көн саен бер киемнән йөри алмый бит. Шуңа д а кызыбыз А линәгә итәк, блузка, сарафан, пиджак һәм чалбар алдык. Мәктәп киемнәре җәмгысе 6 мең сумнан артыкка төште. Хәзер спорт костюмы һәм аяк киемнәрен сайлыйбыз. Аяк киемнәре генә берничә төрдә – спорт, урамда һәм мәктәп эчендә кию өчен кирәк. Әлегә спорт костюмын һәм аяк киемнәрен ай азагына калдырдык, чөнки бала бик тиз үсә. Ә менә сумкага килгәндә, ортопедик ранец сайладык. Бәяләр 1000-1800 сум тирәсе. Канцтоварлар 3500 сумга басты. Беренче карашка, әллә ни кирәк тә түгел кебек, әмма ала башлагач шактыйга җыела. Клей, төсле карандаш, карандаш очлагыч, буяулар, пумалалар, рәсем альбомы, төсле кәгазь, кайчы, пластилин, ручка, дәфтәр тышы – санап бетергесез.

Малайлар өчен аяк киемнәре 300-1200 сум, костюм-чалбар – 1200 сумнан башлап, күлмәк 300 сумнан алып. Нурлатта б аланы м әктәпкә җ ыю а та – аналарга уртача 6 – 12 мең сумнарга төшә. Аннан “әзерлек” бәясе баланың яшенә дә карый. Беренче һәм өлкән сыйныфларга баручы балаларның ата-аналарына ул 15-18 мең сумга кадәр төшмәгәе. Әлбәттә, чыгым ата-аналарның мөмкинлекләренә карап та исәпләнә.

Бу көннәрдә шәһәребез кибетләре канцтоварларның зур сайлау мөмкинлеген тәкъдим итә. Кайбер эшмәкәрләр сыйфатка игътибар бирсә, сатучыларның кайберләре товарга бәяләрне төшереп акцияләр игълан итә.

- Без гаиләбез белән ел башыннан ук “мәктәп фондына” акчаларны сала бардык, - ди ике бала анасы Елена. – Шуңа да акцияләрне көтеп тормыйча ай башыннан ук әзерләнә башладык. Алдан ук кирәкле әйберләрнең исем-леген булдырдык. Балаларыбыз мәктәпкә беренче ел гына бармаганлыктан, бу процесс безгә таныш. Шуңа да иң элек әйберләр сатып алганчы, балаларны акрынлап кына булса да уку дигән хезмәткә дә әзерли башладык. Баланы мәктәпкә җыю – җиңел эш түгел. Әгәр дә сез, ата-аналар, барлык кирәк-яракның исемлеген булдырып, сатып алу процессына җаваплы карыйсыз икән, мәктәпкә әзерлек кыенлыкларсыз үтәр. Әмма кием-салым, канцелярия товарлары сатып алу - баланы мәктәпкә матди яктан гына әзерләү әле. Елена әйткәнчә, ата-анага баланы укуның үзенә әзерләү тагы мөһим. Бусы кием-салым сатып алуга караганда күпкә актуальрәк.