Нурлатлылар суицидка каршы ничек көрәшә

Кичә гимназия базасында “Мәгариф мохитында балигъ булмаганнарның суицидаль тәртибен профилактикалау” дигән темага узган Республика семинарында Нурлат районы тәҗрибәсе каралды. Семинарда катнашучылар техник, декоратив – гамәли иҗат күргәзмәләре, музей эше белән таныштылар, тематик акцияләрдә катнаштылар. Моннан тыш нурлат педагоглары кунакларга дәрестән тыш чаралар, мастер-класслар һәм ачык дәресләр дә тәкъдим иттеләр. Ике өлештән торган республика семинарында ТР Мәгариф һәм фән министрлыгының балаларга өстәмә белем бирү һәм тәрбия бүлеге советнигы Ю.Пухова катнашучылар өчен норматив – хокукый мәсьәләләргә багышланган укулар да үткәрде. “Параллель” Татарстан Республикасы мәктәп психологлары ассоциясе” директоры Э.Башлай үткәргән түгәрәк өстәл утырышында район мәгариф учреждениеләре педагог-психологлары  ата-аналар һәм укучылар катнашты.