“Дуслык” музейга бүләкләр тапшырды

Редакциябезнең “Чыршыны бергәләшеп  бизик” Яңа ел конкурсына дип укучыларыбыз ясаган чыршы уенчыклары хәзер Кама аръягы һәм Нурлат шәһәре тарихы төбәк музеенда сакланачак.
Район газетасы һәм музейның иҗади хезмәттәшлеге бүген экспонатларны кабул итү акты белән расланды. Яшь талантларның иҗат җимешләре алга таба музейның Яңа ел уенчыклары коллекциясендә урын алачак, шулай ук ел саен кышкы каникуллар чорында экскурсиягә һәм тематик чараларга килүчеләргә күрсәтеләчәк.