Татарстан экология министры Нурлат районында тавыш бирү барышын бәяләде
Бүген Нурлат районына эш сәфәре кысаларында Татарстан Экология һәм табигый байлыклар министры Азат Җиһаншин сайлау кампаниясенең барышы белән танышты.
Район Башлыгы Дамир Ишкинеев һәм Нурлат шәһәренең территориаль сайлау комиссиясе рәисе Алсу Рәхмәтуллина озатуында министр «Грани» мәдәни-ял итү үзәгендә урнашкан 2327нче сайлау участогында булды.
"Азат Илдусович тавыш бирүнең барышы белән кызыксынды һәм аның югары дәрәҗәдә оештырылуын билгеләп үтте. Ул барысы да яхшы булуына шикләнмәвен әйтте", - дип сөйләде Нурлат шәһәренең 2327нче сайлау участогының участок сайлау комиссиясе рәисе Җәмилә Мингалиева.
Участок сайлау рәисе шулай ук комиссия әгъзалары барлык билгеләнгән процедураларны үтәүне катгый тәэмин итә, ә сайлаучылар югары активлык һәм гражданлык позициясе күрсәтә, дип ассызыклады.
Фотоны Венера Мингалиева тәкъдим итте