Сергей Крайнов: сайлауда катнашмасак, без иртәгәге көнгә таяна алмыйбыз
Мамык авылыннан Крайновлар авыл мәдәният йортында урнашкан 2370нче сайлау участогына гаиләләре белән килде. Махсус хәрби операция ветераны Сергей Крайнов өчен сайлауларда катнашу күптән күркәм традициягә әверелгән. Беренче тапкыр ул армиядә хезмәт иткәндә тавыш биргән һәм шуннан бирле бер генә сайлау кампаниясен дә калдырмый.
Күп балалы гаилә башлыгы сүзләренә караганда, алар хатыны Наталья белән 4 бала тәрбияли, сайлауларда катнашу – гражданлык бурычы гына түгел, үз позицияңне белдерү мөмкинлеге дә ул.
"Без-күп балалы гаилә, һәм балаларга илдә барган вакыйгалардан читтә калырга ярамавын күрсәтүне мөһим үрнәк дип саныйбыз. Әлбәттә, бүген кешеләрнең хәл ителмәгән мәсьәләләре бар, төрле проблемалар һәм кризис ситуацияләре бар. Ләкин мин ышанам, җитәкчелек аларны хәл итү юлларын табар", - дип билгеләде Сергей Крайнов.
Гаилә өчен бу мөһим көнне бергә үткәрергә һәм балаларга гражданлык җаваплылыгының әһәмияте турында сөйләргә тагын бер сәбәп булды.
"Үз сайлавыбызны ясамыйча, без иртәгәге көнгә таяна алмыйбыз. Шуңа күрә бүген без монда бөтен гаилә белән», – дип ассызыклады күп балалы гаилә башлыгы.