Нурлат балалары республика чыршы бәйрәмендә катнашты

Чәршәмбе көнне районның 41 укучысы “Татнефть-арена” боз сараенда узган Республика чыршы бәйрәмендә катнашып кайтты.
Алар  арасында уку һәм спорт алдынгылары, опекага алынган, авыр тормыш ситуациясенә эләккән, коррекцияләүче интернат-мәктәп балалары бар иде.
– Быелгы бәйрәм “Татарстанда хыяллар тормышка аша” темасы астында узды, - ди район башкарма комитетының яшьләр эшләре һәм спорт бүлеге  баш белгече Фәния Мифтахова. – Бәйрәмдә республика башылыгы Рөстәм Миннехановның котлавын Премьер-министр Илдар Халиков җиткерде. Аннан чара эстрада җырчылары, танылган иҗат һәм спорт коллективлары, “Пицца” төркеме чыгышлары белән дәвам итте. Бәйрәмдә катнашучыларның һәркайсына ел символы булган уенчыкка тутырылган бүләк җыелмасы тапшырылды.