Нурлатта хоккей тартмачыклары үз эшен башлый

Бу шимбәдән район мәктәпләре янындагы хоккей мәйданчыклары эшли башлаячак. Бу хакта район башкарма комитетының мәгариф бүлеге җитәкчесе Габделгазиз Юнысов хәбәр итте.
- Хоккей мәйданчыклары әзер. Бу шимбәдән алар тимераякта шуарга яратучыларны кабул итә дә башлаячаклар, - диде Габделгазиз Юнысов. – Нигездә район мәктәпләренең барысының үз хоккей тартмачыгы бар.  Бозны һәр мәктәп җитәкчелеге өч тапкыр су сибеп ясады. Хоккей мәйданчыклары укучылардан тыш, халыкка да хезмәт күрсәтәчәк. Алар тәүлек әйләнәсе ачык. Ә кардан арындырып, чистартып торуны елдагыча мәктәпләр үзләре алып барачак.