Нурлатлыларның алиментларын Кыш Бабай түләттерә

2-20 декабрьдә Нурлат суд приставлары бүлеге әнә шундый исемдәге акция үткәрә.
– Алимент бурычларын түләтү буенча башкарма документларны үтәтү безнең бүлекнең иң мөһим эшләрнең берсе, – ди өлкән суд приставы Әмир Насыйбуллин. – 2013 ел башына суд приставларында производствода алиментлар түләтүгә кагылышлы 439 документ бар иде, бүген алар 481гә җитте. Хәзерге вакытка 40 бурычлы эзләтүгә игълан ителде, 335есенең алименты хезмәт хакыннан тотыла, 21е – административ, 32се җинаять җаваплылыгына тартылды. 48 бурычлыга карата илдән читкә чыгаруларын чикләү турында карар чыгарылды. Алиментларын усаллык белән түләмәүчеләргә гамәлдәге законнарда каралган чаралар гына күреп калынмый, ә андыйларга йогынты ясауның балалар мәнфәгатьләренә юнәлдерелгән формалары даими эзләнеп торыла. Суд приставлары Федераль службасының “Кыш Бабай килә – алиментыңны түлә” акциясе дә – шундыйларның берсе.