Нурлатта киңкүләмле өмә узды

2025 елның 18 октябре, шимбә

Бүген Нурлат шәһәре мәгариф учреждениеләре бердәм рәвештә өмәгә чыкты.

Эшләр үзләрендә һәм беркетелгән территорияләрдә алып барылды, шул исәптән популяр ял итү зоналары: Шашин скверы, Медведский скверы һәм Кариев бульвары тәртипкә китерелде. Моннан тыш, төзекләндерү кысаларында мәгариф учреждениеләре хезмәткәрләре агач үсентеләре дә утыртты. Хәзер бу урыннар тагын да уңайлырак һәм яшелрәк булачак.