«Бир 5не!» республика акселераторы
"Бир 5не!" Республика акселераторы - бу Татарстанның 10 яшьтән алып 17 яшькә кадәрге стартаплар булдыру һәм үз проектларын гамәлгә ашыру белән кызыксынган мәктәп укучылары өчен белем бирү программасы. Проектның төп идеясе -яшь буыннарны үз технологик стартапларын булдырырга һәм алга этәрергә, техник һәм коммерция кыенлыкларын җиңәргә өйрәтү, аларга үз идеяләрен чынбарлыкка әверелдерү мөмкинлеге бирү. Акселератор кысаларында Татарстан Республикасының 41 районында 800дән артык мәктәп укучысы һәм 45 укытучы технологик эшкуарлыкка өйрәнә һәм No-codта чат-ботлар эшләү һәм булдыру күнекмәләрен үстерә алачак.
Акселератор программасы түбәндәгеләрне үз эченә ала:
- Укытучылар өчен No-code эшләү нигезләрен өйрәнүгә юнәлдерелгән белем бирү чараларын оештыру.
Татарстан Республикасының 41 районындагы гомуми белем бирү учреждениеләрендә укучылар өчен махсуслаштырылган мастер-класслар үткәрү.
- Иң перспективалы һәм сыйфатлы проектларны конкурс нигезендә сайлап алу. Бирелгән гаризалар йомгаклары буенча эксперт комиссиясе иң яхшы 50 проектны сайлап алачак. Җиңүчеләр үз проектларын алга таба үстерү өчен күчмә акселераторга юлламалар алачак.
Акселератор берничә этапта уздырыла:
- I этап (онлайн) — 1 сентябрьдән 14 сентябрьгә кадәр - Татарстан Республикасы гомуми белем мәктәпләре укытучыларын PWA-кушымталар төзү күнекмәләренә, маркетингка һәм стартаплар төзү нигезләренә өйрәтү.
- II этап — 15 сентябрьдән 15 октябрьгә кадәр — Татарстан Республикасы мәктәп укучылары өчен мастер-класслар, теоретик һәм практик дәресләр үткәрү.
- III этап (онлайн) — 16 октябрьдән 24 октябрьгә кадәр — конкурста катнашучылар өчен сайтта гариза бирү кампаниясе.
- IV этап — 24 октябрьдән 26 октябрьгә кадәр — эксперт комиссиясе тарафыннан иң яхшы 50 проектны сайлап алу.
- V этап-3 ноябрь-конкурста җиңүчеләрне бүләкләү.
- 2025 елның ноябре-проект җиңүчеләре өчен күчмә акселерация программасы.
Акселераторны Татарстан Республикасы Цифрлы үсеш министрлыгы, «ИТ-парк «Югары технологияләр өлкәсендә Технопарк» ДАУ һәм «Цифровизация»АНО оештыра. Проект граждан җәмгыятен үстерүгә Татарстан Республикасы Рәисе грантын кулланып гамәлгә ашырыла.