Нурлатлылар «Урманны саклыйк» Бөтенроссия акциясенә кушылды
Нурлатның Кариев һәм Самаренкин урамнарында «Урманны саклыйк» акциясендә катнашучылар 300 балан үсентесе утыртты.
Нурлат-Кариев урамнары чаты янында бүген бик җанлы: биредә мәгариф, мәдәният, яшьләр һәм спорт бүлекләре, район Башкарма комитетының башка бүлекләре хезмәткәрләре балан үсентеләрен утыртты.
"Монда без юл буе полосасын тиешле тәртипкә китерү һәм шәһәрнең бердәм стилен саклау максатыннан 250 төп куак утыртабыз. Үсентеләрне утырту су ташуны һәм су сибүне оештырган Николай Блинов КФХ ярдәме белән башкарыла. Аларның тәкъдимнәрен үтәп, барысы да дөрес һәм нормаларга туры килсен өчен куаклар арасында кирәкле араны саклап утыртабыз, чокырларны дә тиешле тирәнлектә казыйбыз», – дип сөйләде районның төзекләндерү һәм шәһәр хуҗалыгы бүлеге башлыгы Оксана Вяткина.
Самаренкин урамына параллель рәвештә бүген Николай Блинов хуҗалыгы эшчеләре 50 төп балан куагын утыртты.