Мәктәп укучылары Нурлат интернат-йортында яшәүчеләрне иҗади чыгышы белән сөендерде

2025 елның 9 октябре, пәнҗешәмбе

Нурлат өлкәннәр һәм инвалидлар интернат-йортында үзенчәлекле бәйрәм рухы хөкем сөрде.

Биредә яшәүчеләргә иҗади концерт программасы белән район мәктәпләрендә белем алучы укучылар төркеме килде. Төрнәс, Егоркино, Мамык, 1, 2, 4 номерлы шәһәр мәктәпләреннән һәм М.Е. Сергеев исемендәге Нурлат гимназиясеннән килгән яшь артистлар күңелле концерт программасы әзерләгән.

Балалар өлкәннәргә дәртле биюләр, тирән эчтәлекле шигырьләр, театральләштерелгән күренешләр һәм моңлы җырларын бүләк итте. Һәр номер социаль хезмәтләр алучыларда уңай хис-кичерешләр һәм җылы хатирәләр калдырды. Бәйрәм азагында рәхмәтле тамашачылар талантлы артистларның чыгышын көчле алкышларга күмде.