"Барысы да җиңү өчен. Нурлат" СВО зонасына 21нче гуманитар миссиясен тәмамлап кайтты
Социалистик Хезмәт Герое З.Тимерҗанов исемендәге "Барысы да җиңү өчен. Нурлат» хәйрия фонды вәкилләре Луганск, Донецк, Запорожье һәм Херсон өлкәләренә оештырылган гуманитар сәфәрдән кайтты.
Лисичанскига яңа ярдәм партиясе: балалар киемнәре, гигиена чаралары, җиһаз, уенчыклар һәм башка әйберләр тапшырылды.
Луганск өлкәсендә хезмәт итүче «Урал» позывнойлы сугышчыбыз хәрби частена мобиль мунча илттеләр. "Хирург" позывнойлы якташыбыз хезмәттәшләреннән һәм фондтан посылкалар алды. “Восток" ДШРБнын FPV дроннар белән тәэмин ителде, ә 37 полк һәм 123 МСБга — кирәкле әйберләрне алып бардылар.
«Елка» позывнойлы Россия Герое FPV дроннар, эвакуация арбалары һәм башкалар алды. Очрашу «Әнием чәе» волонтерлары җибәргән тәмле чәй, җылы аралашу белән узды. Сугышчыларның вәзгыяте һәм ихтыяҗлары турында фикер алыштыклар
Донецк Республикасында хәрби милекне «Батыр» 120нче аерым укчы батальонына тапшырдылар. Россия Герое, 116нчы аерым бригада командиры белән очрашып, анда да заявка буенча кирәк әйберләрне тапшырдылар. Генераторны якташыбыз "Мускат" алды, ә 61нче диңгез пехотасы бригадасына роботлаштырылган платформалар, «Булат» дроннар детекторын, дизель генераторы һәм башка бик күп нәрсәләр тапшырдылар. Гуманитар ярдәмне махсус билгеләнештәге 29 отрядка, 433 полкка, 90нчы Армиягә һәм башкаларга илттеләр. Диңгез пехотачыларына якташыбыз, тиз йөрешле «Нива» автомобиле тапшырылды. Кыр госпиталенең 430нчы полк табиблары төзелеш материаллары, медикаментлар, җиһазлар һәм тәм-томнар алды. Шул ук полк сугышчыларына «Старлинг» иярчен элемтәсе, янгын сүндергечләр, генераторлар, маскировка челтәрләре һәм башка җиһазлар тапшырылды.
Фонд вәкилләре якташларыбызны «Татарстан Республикасы алдындагы казанышлары өчен» ордены медальләре белән бүләкләүдә дә катнашты.
Запорожье өлкәсендә өч ел күрешмәгән абыйлы-энеле Гомәр һәм Руслан очрашканнар. Абыйсы туганнарыннан һәм фондтан гуманитар ярдәм алып барды.
ВДВның 108нче һәм 104нче бригадалары десантчыларына «Старлинг» иярчен станцияләре, 5000 метр озынлыктагы кабель һәм башкалар тапшырылды. 134нче полк танкистларына мотоцикл һәм шәхси посылкаларны тапшырдылар. «Борода» кушаматлы сугышчы да тумышы белән Нурлат районыннан икән. 1455нче полкка запас двигатель, детальләр һәм «Болгар» позывнойлы сугышчыга автомобиль илттеләр. Якташыбыз «Дон»га беренче тапкыр ярдәм алып бардылар, ул ярдәмне ике ел алмаган.
"Барысы да җиңү өчен. Нурлат" фонды вәкилләре Донбасстан һәлак булган якташларыбыз мемориалына куярга таш алып кайтты. Барлык бүлекчәләргә дә «Буратино» балалар бакчасына йөрүче балалардан хатлар һәм тәм-томнар тапшырылды.
21нче сәфәр белән СВО зонасына 19 тоннадан артык йөк илттеләр. Маршрут озынлыгы 5221 км тәшкил иткән, фонд 33 урынга барган.