Спорт фестивале: яшь баруы — ул сан гына!
Бүген «Тулпар» спорт сараенда чын сәламәтлек һәм позитив фейерверк булды! Биредә без горур рәвештә зирәклек һәм тәҗрибә буыны дип атаган кешеләр арасында гаять зур спорт фестивале узды. Спорт ветераннары, спортчы-пенсионерлар һәм актив пенсионерлар бергә җыелып, һәрберебезнең күңелендә бөтен дөньяга җитәрлек ташып торган яшьлек энергиясе яшәвен исбатлады!
«Дәвамлы һәм актив тормыш» илкүләм проектын хуплап, берләшмә әгъзалары яшь артуы— ул сан гына, ә чын яшьлек рух көчендә, алга барырга һәм тирә-юньдәгеләргә елмаю бүләк итәргә теләүдә булуын искәртте.
Бүгенге фестиваль нинди якты тәэсирләр бүләк итте соң?
- Армрестлинг: көчле куллар һәм ныклык характерындагы ярыш бүләк итте.
- Өстәл теннисы: тупларның ялтыравы, яшен тизлеге белән тупны сугулар тамашачыларның шат авазларына күмелде.
Пневматик винтовкадан ату: абсолют төгәллек һәм төз ату техникасын күрсәтте.
— Шашка һәм шахмат: акыл уены, стратегия һәм һәр адымда төпле карар кабул итү мөһимлеген раслады.
Спортның барлык төрләре дә талантларны ачу, бер-берең белән ярышу, бердәм булып сынауны узу һәм алдагы көннәргә җитәрлек уңай хис-кичерешләр белән тулылану өчен менә дигән мөмкинлек булды.
Һәр катнашучы үзенең энергиясе һәм оптимизмы белән хәтта яшь спортчыларны да таң калдырып, югары әзерлек дәрәҗәсен күрсәтте. Якты атмосфера, эчкерсез ярдәм һәм көчле алкышлар бу көнне барлык катнашучылар өчен онытылмаслык вакыйга итте.
Кыюлыгыгыз, максатчанлыгыгыз һәм үз көчегезгә ышанганыгыз өчен рәхмәт сезгә, хөрмәтле өлкәннәр! Сез- һәр гамәлегез белән яшь буынга искиткеч матур үрнәк булып торган чын геройлар. Үзегезне саклагыз, яраткан эшегез белән шөгыльләнегез һәм бәхетле гомер кичерегез!