Нурлаттан машина белән сыер саву операторы «Фидакарь хезмәте өчен» медале белән бүләкләнде
Кичә Дамир Ишкинеев җитәкчелегендә Нурлат районының делегациясе Татарстан Республикасы Рәисе Рөстәм Миңнеханов катнашында «Казан - Экспо» үзәгендә авыл хуҗалыгы һәм эшкәртү сәнәгате хезмәткәрләре көненә багышланган тантаналы чарада катнашты.
Бүләкләү тантанасында «Нурлат сөте» җәмгыятенең машина белән сыер саву операторы Ирина Артамоновага «Фидакарь хезмәте өчен» медале тапшырылды. Ирина Николаевна - 25 елдан артык хезмәт эшчәнлеген терлекчелеккә багышлаган югары квалификацияле белгеч. Аңа бүләкне республика Рәисе Рөстәм Миңнеханов тапшырды.
"Чын күңелдән котлыйм һәм уңышлар телим! Барлык авыл хуҗалыгы һәм эшкәртү сәнәгате хезмәткәрләренә, ветераннарга, производство алдынгыларына фидакарь һәм намуслы хезмәтләре өчен рәхмәт белдерәм! Сезгә һәм гаиләләрегезгә ныклы сәламәтлек, бәхет, тынычлык һәм муллык, иминлек, Нурлат районы иминлеге хакына уңышлы хезмәт куюыгызны телим!",- дип котлады Нурлат районы Башлыгы Дамир Ишкинеев.