Нурлат районында көзге чакырылыш башланды

2025 елның 4 октябре, шимбә

1 октябрьдән хәрби хезмәткә көзге чакырылыш кампаниясе башланды.

Ул 31 декабрьгә кадәр дәвам итәчәк. Армиядә хезмәт итәргә тиешле егетләрнең яше элеккечә 18 дән 30 яшькә кадәр кала.

Хәрби комиссариат мәгълүматлары буенча, бу чакырылышта Нурлат районыннан 70ләп егет солдат итеген киячәк, дип көтелә.

Көзге чакырылыш кампаниясе хәрби исәпкә алуның бердәм реестрының дәүләт мәгълүмат системасын кулланып үткәреләчәк, ягъни хәрби хезмәткә чакыру электрон рәвештә җибәрелә. Аны гражданин дәүләт хезмәтләре порталындагы шәхси кабинетында алачак. Хәзерге вакытта егетләр медкомиссия уза.