Сукырлар җәмгыятенең Нурлат бүлекчәсе офисын яңарту эшләре алып барыла
Татарстан Республикасы Дәүләт Советы депутаты Шамил Яһудин ярдәме белән оешманың өч тәрәзәсе алыштырылган инде, ә хәзер төзелеш бригадасы идәннәрне алыштыру белән шөгыльләнә.
Бөтенроссия сукырлар җәмгыятенең җирле бүлеге бинасында ремонт эшләре тулы куәтенә бара.
"Хәзер идәннәрне алыштыру эшләре бара, - дип аңлатты төзелеш бригадасы прорабы Таһир Рәхимов. - Бер бүлмәдә идәннәрне тулысынча ачтык, ныгыттык, хәзер икенче бүлмәгә керештек. Линолеум җәясе калды — кайтуга ук җәя башлыйбыз.»
Берләшмәне дүрт ел җитәкләгән җирле бүлекчә рәисе Мария Кузьмина ремонт эшендә катнашучыларга рәхмәт белдерде. Ул билгеләп үткәнчә, бинаны яңарту — оешма әгъзалары өчен уңайлы шартлар тудыру өчен мөһим адым, аларның күбесе — сәламәтлек мөмкинлекләре чикләнгән өлкән яшьтәге кешеләр.
Исегезгә төшерәбез, моңа кадәр депутат Шамил Яһудин җәмгыятьнең офисында булды, бүлмәләрнең торышы белән танышты һәм беренче чиратта торган ремонт эшләрен башкаруда ярдәм итәргә вәгъдә итте.