Нурлатта Укытучылар көненә багышланган тантана узды
Бүген Шәһәр Мәдәният сараенда Укытучылар көненә багышланган тантаналы чара узды.
Бәйрәм башланганчы кунаклар мәктәп музейлары күргәзмәсе белән танышты.
Залда җыелган педагогларга һәм тәрбиячеләргә котлау сүзләре белән Нурлат муниципаль районы Башлыгы Дамир Ишкинеев мөрәҗәгать итте.
"Бүген без иң мөһим һөнәри бәйрәмнәрнең берсен билгеләп үтәбез. Укытучы һөнәре һәрвакыт мөһим һәм хөрмәтле саналган. Сез, педагоглар, балаларга белем биреп кенә калмыйсыз, ә үз укучыларыгызның тормышына да, тулаем дәүләтнең киләчәгенә дә нигез саласыз. Сезгә сәламәтлек, озын гомер, уңышлар һәм гаилә иминлеге телим», – диде үз чыгышында Дамир Азат улы.
Россия Федерациясе Дәүләт Думасы депутаты Айдар Метшиннан да котлау сүзләре яңгырады. Традиция буенча чара яшь буынны тәрбияләүдә ирешкән уңышлары өчен педагогларны хөрмәтләү белән дәвам итте. Бу көнне районның иң яхшы педагоглары төрле бүләкләр алды. Әлбәттә, бу бәйрәм көнендә педагогик хезмәт ветераннарына аерым игътибар бирелде. Ә район үзешчәннәренең һәм балалар коллективларының концерт номерлары барлык катнашучылар өчен зур бүләк булды.