Айдар Метшин һәм Дамир Ишкинеев Нурлат өлкәннәр һәм инвалидлар интернат-йортында булды
Россия Федерациясе Дәүләт Думасы депутаты Айдар Метшин Нурлат районы Башлыгы Дамир Ишкинеев белән берлектә интернат-йортта булды.
Визит вакытында төп игътибар социаль учреждение диварларында вакытлыча сыену урыны тапкан Курск өлкәсеннән мәҗбүри күчеп килүчеләр белән аралашуга бирелде.
Әңгәмәдә интернатта яшәүчеләр төп мәсьәләләрнең берсен – пенсия белән бәйле катлаулылыкны әйттеләр. Айдар Метшин мөрәҗәгатьне игътибар белән тыңлады һәм аны тизрәк хәл итү өчен махсус контрольгә алды.
«Безнең өчен һәр кешенең, бигрәк тә шундый катлаулы тормыш шартларында, дәүләт ярдәмен тоюы мөһим. Пенсия белән тәэмин итү мәсьәләләре хәл ителәчәк. Без моны контрольдә тотачакбыз", - дип ассызыклады Айдар Метшин.
Очрашу азагында Айдар Метшин һәм Дамир Ишкинеев учреждение карамагындагыларга ныклы сәламәтлек, иминлек һәм иртәгесе көнгә ышаныч теләп бүләкләр тапшырдылар.