Нурлатның өч футбол командасы да республика беренчелеге финналына чыкты

Балалар-үсмерләр спорт мәктәбенең футбол секциясендә тренерлар Шамил Тюкаев һәм Юрий Никитинда шөгыльләнүче өч яшь төркемендәге команда да республика беренчелегенең финалына юлламалар яулады. 

Шунысы сөенечле, урта һәм кече яшьтәге футболчыларыбыз зона ярышларында барлык көндәшләрен дә отып, беренче урыннар алдылар. 

– Безнең зонада барлыгы сигез команда бар. Һәм яшь футболчыларыбыз финал этабына чыгу өчен бар көчләрен куйдылар. Өлкән төркемдәге командабыз гына бераз уңышсызлыкка очрады: беренче урын өчен матчта 4:0 исәбе белән отып бара идек, әмма ахыр нәтиҗәдә пенальтилар буенча җиңелергә мәҗбүр булдык, – дип уңышларын уртаклашты Шамил Тюкаев. Хәер, оештыручылар, яшь футболчыларыбызның отсталыгына тиешле бәя биргәннәр үзе һәм безнекеләрне дә беренчелекнең финал этабына чакырганнар. Финаллар исә Аксубай, Болгар һәм Казанда үтәчәк һәм анда иң көчле командалар исемен һәр төркемдә уникешәр команда дәгъвалячак.