Шахмат ярышларында Нурлат районыннан ике команда катнашты
«Нурлат-1» составы (Безруков М., Ермолаев Г., Әхмәров И., Герасимов В., Саврандеев Г., Васильев А.) җиде турда 27,5 очко җыеп, беренче урынны алды.
Икенче урында-Аксубай районы шахматчылары (Гафиятуллин Ф., Камилов А., Егоров А., Романов Е., Гафиятов И., Горбунов Г.) 23,5 очко белән. Лидерлар өчлеген «Нурлат-2» командасы (Матавин В., Евлейкин Н., Осипов И., Сидоров В., Говоров В., Борзов Е.) 12 очко белән йомгаклады.
Гомуми уен вакыты якынча алты сәгать тәшкил итте. Турлар арасында катнашучыларга камыр ризыклары белән кайнар чәй тәкъдим ителде, бу спортчыларга көчләрен торгызырга һәм партияләрнең кызыклы моментлары турында фикер алышырга мөмкинлек бирде. Арыган булуларына карамастан, барысы да күтәренке кәефтә калдылар.
"Безнең очрашуларның күптәнге тарихы бар. Без һәрвакыт көндәшләр белән тыгыз һәм дустанә мөнәсәбәтләр сакларга омтылабыз. Барлык спортчыларга да-катнашулары өчен зур рәхмәт! Шахмат тактасы артында киләсе очрашуны көтәбез", – диделәр оештыручылар-шахмат-шашка клубы җитәкчесе Олег Павлов һәм районның тәҗрибәле шахматчысы Михаил Безруков.
6 апрельдә Нурлат спортчылары традицияне дәвам итү өчен Аксубайга җавап визиты белән барачак. Тулаем турнир спортның- берләштерүен, ә дусларча көндәшлекнең яңа казанышлар нигезе булып торуын тагын бер кат исбатлады.