Нурлат аграрийлары Казандагы авыл хуҗалыгы ярминкәсендә бай ассортиментлы продукция тәкъдим итте
Татарстан башкаласында язгы авыл хуҗалыгы ярминкәләре дәвам итә, аларда гадәттәгечә бөтен республикадан аграрийлар катнаша.
Бүгенге ярминкәләрдә иң актив катнашучылар арасында «Казан» Агросәнәгать паркы территориясендә үз товарларын урнаштырган Нурлат районы җитештерүчеләре бар.
Бәйрәм алды ярминкәсендә нурлатлылар җирле предприятиеләрдә, фермаларда һәм хуҗалыкларда үстерелгән һәм җитештерелгән төрле продукцияне тәкъдим итте. Ассортиментта - яңа чалынган ит, сөт, табигый сөт продуктлары, казылык эшләнмәләре, яшелчәләр, өйдә ясалган тозлы ризыклар һәм кайнатмалар, хуш исле бал, гөмбә һәм башкалар.
Сәүдә рәтләре иртәдән үк Казан халкы белән тулды. Нурлатлылар барлык теләүчеләрне кайнар чәй белән сыйлады.
Тулаем алганда, республика башкаласында авыл хуҗалыгы ярминкәләре апрель ахырына кадәр дәвам итәчәк. Нурлатлылар бу вакыт эчендә агросәнәгать паркында тагын ике тапкыр сәүдә оештырырга ниятли.