Язгы җылы көннәр башлану белән шәһәр халкы “НурлатЙорт " идарәче компаиясе җаваплылыгы чикләнгән җәмгыяте белән бергә өмә оештырды
Узган ялларда Нурлат шәһәре ишегалларының берсендә биредәге йортларда яшәүчеләр “НурлатЙорт" идарәче компаиясе җаваплылыгы чикләнгән җәмгыяте хезмәткәрләре белән бергә зур өмә үткәрде. Бу күп кенә шәһәрдәшләребез өчен йорт яны территорияләрендә чисталык һәм тәртип саклау гадәтенә әверелде.
Шунысын да билгеләп үтәргә кирәк, әлеге ишегалды элек күпфатирлы йортларда яшәү шартларын яхшыртуга юнәлдерелгән «Безнең ишегалды» программасы кысаларында төзекләндерелгән иде. Программаны гамәлгә ашыру нәтиҗәсендә территорияне сизелерлек үзгәртеп кору, аны төрле яшьтәге кешеләр өчен уңайлы һәм җайлы итүгә ирешү мөмкин булды.
Әмма моның белән генә эш бетми. Агымдагы елда тагын 3 ишегалды территориясен кертеп, «Безнең ишегалды» программасын гамәлгә ашыруны дәвам итү планлаштырыла. Бу өстәмә ял итү зоналары, балалар мәйданчыклары һәм заманча төзекләндерү элементлары белән тәэмин итеп, кешеләрнең яшәү шартларын яхшыртырга мөмкинлек бирәчәк.
“НурлатЙорт" идарәче компаиясе җаваплылыгы чикләнгән җәмгыяте директоры Ольга Олеговна Суркова бу чараларның мөһимлеген ассызыклады: «Без ишегалларында төзекләндерү эшләре башлануын түземсезлек белән көтәбез. Безнең төп максат - һәр кешегә яшәү өчен уңайлы шартлар тудыру»
Шул рәвешле, халык һәм идарәче компания арасындагы хезмәттәшлек шәһәр киңлекләрен уңышлы үзгәртеп коруның төп факторына әверелә, аларны уңайлырак һәм заманчарак итә.