Нурлат талантларының уңышлы чыгышлары: яшь "йолдызчыклар” “Созвездие-Йолдызлык" фестивале финалына чыкты

2025 елның 20 марты, пәнҗешәмбе

Нурлат районының яшь артистлары Болгар шәһәрендә «Созвездие-Йолдызлык» ачык республика телевизион фестиваленең зона этабында уңышлы чыгыш ясап, финалга юллама алды.

Иҗат бәйгесендә Татарстанның 7 районы вәкилләре катнашты, безнең талантлар да - иң яхшылар рәтендә.

1 урын:

- «ЭСПЕРАНСА» эстрада биюе ансамбле (“Хореография " номинациясе, урта төркем, Мәдәният үсеше үзәге);

- Софья Таймуллина (“Конферанс", кече төркем, «Сәләт» балалар мәктәбе); 

- Рәсүл Җамалиев (“Вокал-соло”, урта төркем, “Сәләт" балалар мәктәбе).

3 нче урын:

- Нәргизә Юнысова (“Вокал-соло”, кече төркем, “Сәләт" балалар мәктәбе).

Махсус бүләкләр:

– «Сәләт» хореография коллективы («Хореография», урта төркем, «Сәләт» балалар мәктәбе); 

- Изабелла Буланова (“Конферанс”, кече группа, “Сәләт" балалар мәктәбе).

Яшь артистларны, аларның педагогларын һәм ата-аналарны зур уңышлары белән котлыйбыз! Ирешелгәннәрдә генә тукталып калмаска, фестивальнең финалын яуларга һәм чын «йолдызларның» нәкъ менә Нурлатта кабынуын исбатларга насыйп булсын дип телибез!