Нурлатның яшь пианистлары халыкара конкурста урыннар яулады

2025 елның 17 марты, дүшәмбе

16 мартта Әлмәттә сәләтле башкаручыларны берләштергән Рәис Нәгыймов исемендәге «Урсал-тауда» халыкара фестиваль-конкурсы узды.

«Сәләт» балалар сәнгать мәктәбе укучылары «Фортепиано» номинациясендә үзләрен күрсәтеп, призлы урыннар яулады. 

Анастасия Крайнова I дәрәҗә лауреат исеменә лаек булды (укытучысы - А.Ж.Стрельникова). Анна Германова һәм Софья Шугаева II дәрәҗә лауреатлар булдылар (укытучылары – А.Ж. Стрельникова һәм В. А. Бадина). 

Күренекле мәдәният эшлеклесе Рәис Нәгыймов исемен йөртүче фестиваль-конкурсы гадәттәгечә яшь талантларны хуплый, аларга халыкара сәхнәдә осталыкларын күрсәтергә мөмкинлек бирә. 

Яшь музыкантларны һәм педагогларны якты җиңүләре белән котлыйбыз һәм яңа иҗади уңышлар телибез!