Дәүләт автоинспекциясе хезмәткәрләре Нурлатта машина йөртүче хатын-кызларны якынлашып килүче 8 Март бәйрәме белән котлады
Халыкара хатын-кызлар көне алдыннан Дәүләт автоинспекциясенең Нурлат бүлеге хезмәткәрләре машина йөртүче хатын-кызларны бәйрәм белән котлау өчен шәһәр урамнарына чыктылар.
Акция кысаларында инспекторлар машина йөртүче хатын-кызларга чәчәкләр бүләк итте һәм юл хәрәкәте кагыйдәләрен үтәүнең мөһимлеген искә төшерде.
Бу инициатива гүзәл затлар өчен күңелле сюрприз гына түгел, ә юлларда куркынычсызлык турында искә төшерергә сәбәп тә булды. ЮХИДИ хезмәткәрләре барлык хатын-кызларга имин юллар, руль артында игътибарлылык һәм, әлбәттә инде, язгы кәеф теләде.
"Без сезнең куркынычсызлык һәм юллардагы җаваплылык турында кайгыртуыгызны югары бәялибез. Һәр сәфәр җиңел һәм шатлыклы булсын! 8 Март белән! Юлларда игътибарлы булыгыз!"- диде Дәүләт автоинспекциясенең Нурлат бүлеге начальнигы Ринат Паймурзин.
Мондый акцияләр юл хәрәкәтендә катнашучылар һәм ЮХИДИ хезмәткәрләре арасында ышанычны ныгытырга ярдәм итә, шулай ук үзара ихтирам һәм игелек атмосферасы тудыра.