Нурлатлылар районда мәдәният үсеше мәсьәләләре буенча фикер алыштылар
Район Советының зур залында Нурлат районы Башлыгы Дамир Ишкинеев җитәкчелегендә узган елгы эшчәнлеккә йомгак һәм 2025 елга бурычларга багышланган эшлекле киңәшмә узды.
Утырыш эшендә район Башкарма комитеты җитәкчесе Әсгать Габдуллин, район мәдәният бүлеге, шәһәр учреждениеләре һәм авыл мәдәният йортлары хезмәткәрләре катнашты.
Башкарылган эшләр турындагы хисап белән район Башкарма комитетының мәдәният бүлеге начальнигы Рәзилә Әхмәдиева, «Грани» мәдәни - ял үзәге, Халыклар дуслыгы йорты җитәкчеләре, «Сәләт» балалар сәнгать мәктәбе җитәкчесе Валентина Борһанова, Җирлекара үзәк китапханә директор Роза Липатова, Каравыл - Тавы күпфункцияле үзәге җитәкчесе Ольга Савельева чыгыш ясады.
Очрашу диалог форматында узды, анда мәдәният өлкәсе хезмәткәрләре үзләрен кызыксындырган сорауларны бирә алды.
Дамир Ишкинеев мәдәният хезмәткәрләренә актив гражданлык позицияләре һәм СВОда катнашучыларга ярдәм күрсәтүләре өчен рәхмәтен белдерде.