Нурлатта ата-аналар һәм яшьләр өчен лидерлыкны үстерү буенча семинар-тренинг узды
«Киләчәк» балалар иҗат үзәгендә «Ата-аналар берлеге лидеры: үсешкә һәм илһамга ачкыч» дигән семинар-тренинг узды.
Чара 2024 елда гражданлык җәмгыятен үстерүгә Татарстан Республикасы Рәисе грант конкурсында җиңүче «Ата-аналар компасы» проекты кысаларында оештырылды.
Семинарда актив ата – аналар һәм өлкән сыйныф укучылары кыйммәтле белем һәм практик күнекмәләр алдылар. Ата-аналар комитеты лидерлары өчен Наталья Фролова тренинг үткәрде, файдалы киңәшләр һәм күнегүләр белән уртаклашты. 8-11 сыйныф укучылары Владимир Дергуновның «Хыяллар кайчан барлыкка килә?» һәм «Бизнес, фән һәм интеллектны ничек берләштерергә?" темаларына интерактив лекциясендә булдылар».
Чара «Зур гаилә» концерт-презентациясе белән тәмамланды, анда «Буыннар берлеге» программасының идеяләре һәм мөмкинлекләре тәкъдим ителде. Оештыручылар барлык катнашучыларга да активлыклары һәм бергәлек үсешенә керткән өлешләре өчен рәхмәт белдерделәр.