Нурлат муниципаль районында 2025 елгы декларация кампаниясе мәсьәләләре буенча семинар-уку
Бүген Нурлат муниципаль районы Советының зур залында муниципаль хезмәткәрләр, авыл җирлекләре башлыклары, шулай ук Яшьләр һәм спорт учреждениеләре җитәкчеләре өчен семинар-укулар узды.
Чара 2025 елгы декларация кампаниясе кысаларында оештырылды һәм керемнәр, мөлкәт һәм мөлкәти характердагы йөкләмәләр, шул исәптән ире яки хатыны һәм балигъ булмаган балалар турында мәгълүмат бирү темасына багышланды.
Семинарны район Башлыгының коррупциягә каршы көрәш мәсьәләләре буенча ярдәмчесе Рафис Нигъмәтуллин Нурлат муниципаль районы Советының кадрлар белән тәэмин итү мөдире Ләйсән Мөхәммәтшина катнашында үткәрде. Чара барышында катнашучыларга агымдагы елның декларация кампаниясендәге төп үзгәрешләр, шулай ук керемнәр турында белешмә тутыру үзенчәлекләре аңлатылды. Документның тиешле бүлекләрендә төрле чыганаклардан алынган керемнәрне дөрес чагылдыруга аерым игътибар бирелде.
Моннан тыш, семинарда дөрес һәм тулы мәгълүмат бирү белән бәйле актуаль мәсьәләләр, шулай ук декларация тутырганда җибәрелгән типик хаталар турында фикер алыштылар. Катнашучылар 2025 елгы декларация кампаниясе кысаларында кирәкле документларны төзәтергә ярдәм итәчәк җентекле аңлатмалар һәм тәкъдимнәр алдылар.