Бозлавыкта җәяүлеләргә куркынычсызлык кагыйдәләрен саклау чаралары
Бозлавык һәм тайгак гадәттән тыш хәлләр барлыкка килүнең сәбәбе булып тора.
Алар җәяүлеләр өчен генә түгел, транспорт өчен дә гадәттән тыш хәл булырга мөмкин.
Бозлавык вакытында урамда егылып төрле җәрәхәтләр: имгәнүләр, буын каймыгулар һәм сөяк сынуларның саны сизелерлек арта. Табиблар мәгълүматларына караганда, мондый көннәрдә зыян күрүчеләр саны 2 тапкырга күбәя.
Зыян күрүчеләр санына эләкмәс өчен, түбәндәге кагыйдәләрне үтәргә кирәк:
Үзегезнең аяк киемегезгә игътибар итегез: тигез табанлы асты таймый торган аяк киеме сайлап алыгыз;
- Модалы хатын-кызларга биек үкчәләрдән баш тартырга киңәш ителә;
- Аяк астыгызга карап йөрегез, куркыныч урыннарны әйләнеп үтәргә тырышыгыз. Әгәр дә боз «күлләвеген» урап узып булмый икән, чаңгычы шикелле, кечерәк кенә шуа торган адымнар белән шуып үтегез;
Юлның машина өлешендә бик игътибарлы булыгыз: ашыкмагыз, бигрәк тә чапмагыз. Юлның машина кырыеннан барыгыз, ашыкмагыз, башка җәяүлеләрне сак кына әйләнеп узыгыз;
- Өслеге авыш булган барлык урыннарны акрын үтәргә тырышыгыз;
- Бөтен табанга басарга, аякларны тез өлешендә бераз бөгәргә кирәк;
Баскычтан менгәндә яки төшкәндә тоткаларга, култыксаларга тотынырга. Аяклар белән шома баскычлардан пөхтә итеп, бераз авышрак итеп атларга;
- Юл аркылы чыкканда юл хәрәкәте кагыйдәләрен үтәгез, урам аркылы чыкмагыз һәм якынлашып килүче транспорт алдыннан йөгереп чыкмагыз.
Исегездә тотыгыз – юлның машина йөрү өлеше тайгак, һәм транспортны туктату кыен, кар сылавы ихтималы;
- Куллар мөмкин булганча ирекле булырга тиеш, авыр сумкалар күтәреп йөрмәскә тырышыгыз, кулларыгызны кесәләрегездә тотмагыз - бу егылу ихтималын арттыра;
Әгәр сез таеп киткәнсез икән, түбән төшү биеклеген киметү өчен утырыгыз. Егылу мизгелендә бөкләнергә һәм, тәгәрәп, җиргә бәрелүне йомшартырга тырышыгыз;
Кулыгызда күтәреп барган әйберләрегезне коткарырга тырышмагыз;
- Урыныгыздан торырга ашыкмагыз, җәрәхәтләр юкмы икәнен тикшерегез, үтеп баручы кешеләрдән ярдәм итүләрен сорагыз.
Исегездә тотыгыз: бигрәк тә аркага, йөзтүбән егылу куркыныч, чөнки баш мие селкенергә мөмкин. Җәрәхәтләнгәндә медицина ярдәме сорап табибка мөрәҗәгать итегез.
73 нче бүлек инженеры Нина Логинкина.